"Holi"

Holi aayi hai
dhero khusiya layi hai
wo dekho bacho ki toli
Gali me hurdang machayi hai

Pichkari se nikali hai rang
Aaj dil se dil huye hai sang
Laziz pakwano se mehka hai aangan

Kadmo me parkar abir ne
Risto ki maryada badhayi hai
Ashirwad pakar bado ki
Samman jatayi hai

Ho rahi ghar ghar titoli
Bhige hai rango se devar bhahi
Pute hai abir se jija shali
Lahrayi hai duppta chunarwali

Gaw ki gori ne matkayi kamariya
Chore ke dil me pare patkhaniya
Dilo ko mil rahi meharbaniya


Ye pratha hai preet ki
ye katha hai mit ki
Dil harkar bhi jeet le
ye parv hai holi ki

"Ped Paudhe"

Ped Paudhe kate ja rahe hai
Prakirti nast ho rahi hai
Fir se baat uchli ,Aandolan huyi
Ped paudhe bachao,prakirti bachao!

Ped Paudhe se kagaj bana
Kagaj se bainer bana
Bainer par likha gya
Ped Paudhe bachao,prakirti bachao!

"Sahid"

Ek aur sahid ho gye
Apne watan par mar mite
Kisi ko kya khabar
Ye roj ki bat ho gyi
Jaan bhi daan ho gyi

Ek kafan mil gya
Do gaj zamin mil gyi
Hamesha ke liye so gye
Apne hi ghar me gum hokar
Desh ke liye jaan de gye.

"Kitty Party"

Aaj jangal me hai kitti party
Jangal raja sher singh ki ho rahi hai sadi
Bulawa aaya hai sher sing ka
Sabhi janwar ja rahe hai barati

Saj dhaj kar sabhi aaye hai
Hiran pahni salwar shut
Bhalu pahna safari shut
Gadha dargi ke yaha sabne kapre silayi hai

Barat me khub dhoom mach rahi hai
Bandar bhai kar rahe hai disko
Shiyar bhai kar rahe hai bhangra
Sabne apani apani mahfil sajayi hai

Bhojan ki ab bari aayi
Petu hathi kha rahe malayi
Puri,kachori,sabji,palaw lekar
Matak rahe hai bandar bhai

Moj masti kar barat wapas aayi
Nayi jodi ki ho gyi bidayi
Aaj jangal me hai khusiya chayi

"Aaj Bhi..."

Aakhiri Khat Jisme Kuch Majburiya thi
'Aaj Bhi' Daraj me Pyasa Milega,

Aakhiri  Hansi  Jisme  Nami  thi
'Aaj Bhi' Takiye ke Niche Sisakta Milega,


Aakhiri Khawab Tere Baalo ke Choti me Piroya tha
'Aaj Bhi' Ghar ke Kone me Bikhara Milege,

Aakhiri Guzaarish Jisme Lafz Tanha tha
'Aaj Bhi' Chatt pe Chand se Baate Karta Milega,

Aakhiri Kadmo ke Nishan jo Mit.te Gaye
'Aaj Bhi' Mere Raste se Guzarta Milega,

Aakhiri Bar Hantho me Hath Lekar Chalna
'Aaj  Bhi'   Mujhe  Sabhalta  Milega,

Aakhiri bar Gungunana  do Panktiya
'Aaj Bhi' Meri Dairy me Chahakta Milega,

Aakhiri Sanjida Sawaal Jisme thori Narajagi thi
'Aaj  Bhi'  Uska  Jawaab  Haan  me  Milega,

Aakhiri chai Mithi Baton me Thandi ho Gyi thi
'Aaj  Bhi'  Cup  pe  Hothon  ka  Nisan  Milega,

Aakhiri Bar Ulajhe Baalo ko Kaan ke Piche Rakhna
'Aaj  Bhi'  wo  Adaa  meri  Shayri  me  Milega,

Aakhiri Duaa Jise Mere Hantho me Rakha tha
'Aaj  Bhi'  meri  Lambi  Umar  me  Milega,

Akhiri Barish Jisme Mann bhi Bhing Gya tha
'Aaj Bhi' Mere Aankho se Barasta Milega,

Aakhiri Shaam tum Pila Dupatta Sabhalte aayi thi
'Aaj  Bhi'  Sarso  ke  Khet  me Udta  Milega,

Aakhiri Mulakat ke Bhule Bisre Lamhe
'Aaj Bhi' Mere Zehan me Taza Milega !!

"College Days"

Ye 4 saal ki kahani

Lafzon me kaha simat pati

Tere mere mann me

Kitni gahri hai samayi....

Jaha 1 cup chai me

Hajaro bate hoti thi

Ab Facebook chat me

2 bate bahut lagti hai....

Subah Subah mesh me 

Line me lagte the

Dahi-Paratha khake

Fir sone chale jate the....

Supply ki bhi party hoti thi

Talli hone ki aadat thi

Sutta pe Sutta lagate the

Girlfriend ki bate hoti thi....

Room-Partner jab bhi Ghar se aata

Nariyal ke laddu lata tha

Ab  bhi  yaad   hai

Haridwar ka Gujiya kitna khata tha....

Tumhe yaad hai proxy lagana

Sara din Hostel me chup ke rehna

Room checking me tumhe pakde jana

Fine ke liye chanda mangna....

Befikar gujarti thi Zindgi

Hostel me ham kitne chillate the

Ab khamosh rehte hai

Ab ye shor photo me dikhayi dete hai....

Birthday party me 

Munni-Shila ki jawani nachati thi

Study Rajiya ke jaise

Gundo me fas jati thi....

Bus ke chatt pe safar karna

Kheto ke bich gujarna

First show in PVR cinema

Ab yaado me hai 'Ludhiana'.....!!!

"Ehsaas"

Madur bela me,
Gungunate hawa me,
Mahakte saam me,
Chahkte aankho me,
Kisi ki ehsas,
Labo pe unki hi baat

Dhup sang chipki mausam me,
Jaise, unke baho ka bandhan
Badal ke indradanush me
Khubsurat chehre ka "Ehsaas"
Jhumte fijao se
Aati aapki khusboo
Chehre ki muskurahat me
Yaad aati unki tasveer

Mithi nind me,
Dekhte hai unko sapne me
Khawabo aur khayalo me,
Unke paas hone ka "Ehsaas"

chand bato ki mulakat me
Bunta hai dil koi kahani
Ye hakikat hai ya "Ehsaas" hai hamari
Unse mila nahi,lekin dosti hai purani