"Hamse Bichda Hai Koi"

Kalam Kaha rukti hai,Tera zikar ab kagaj par nahi sabhalta
Kano kan khabad udi hai,Ishq me giraftar hai koi

Badi der tak dekhta raha,Palke jhapkana bhi bhul gya
Jab gali suna suna sa laga tab pata chala hamse bichda hai koi

Zamane bhar ki bate karta tha,Subah se sham karta tha
Kayi dino se ajnabi ban baitha to pata chala hamse bewafa hua hai koi

Khud se sikayat karna aur kabhi dono hatho se chehra chupa kar sisakna
In duriyon ke darmiyan kaise kaise imtehan deta hai koi

Jare ki dhup me chatt par use sweater bunte dekhna
Usi hatho ke karigari se lipatkar raat bitata hai koi

Na churiyo ke khankne na koyal ki kukne ki awaj aati hai ab
Pipal ka ped khamosh hai,Yha shikari tha koi

Pani me chand dekhna fir pattar phenk kar dhundhla kar dena
Khud me hi banta hai koi,Khud me hi bikhrta hai koi

"Acha Nahi Lagta"

Ejajat do to mai khud ko badal du
Ajnabi ke jaise pesh aana acha nahi lagta

Mohabbat bhi gumrah hoti hai wafa ke raste par
Har mod par bicharna acha ni lagta

Aarju-minnate se bat banti hai to ban jaye
Choti choti bato par talluk tutana acha nahi lagta

Ab nahi hai mafuj dil me rasm-E-wafa
Jamane se sauda karna acha nahi lagta

Barkhast karo jo bat dil nahi samjhta
Bat jo dil par lage to acha nahi lagta

Jab hosh me aao to dekhna khud ko
Khud par gunah karna acha nahi lagta

Yakeen hota to uske hawale ni kar diya hota
Sukun se nipat jaye zindgi, kise acha nahi lagta

Kahte log mitti ke bane aur mitti me hi mil jana hai
Fir sine me pathar dil ka hona acha nahi lagta

Aawaj diya tha,do pal rukte huye bs etna kaha tha
Alwida, ye sabd aaj bhi acha nahi lagta

Dundhta hu tujhe ki tujh jaisa bhi koi mil jaye
Mohabbat ke es mukam par kisi aur se judna acha nahi lagta

"Rakh Du"

Labo par ibadat likh du
Rabb ki rehmat me aasiyana rakh du

Pairon ke nche kaynat rakh du
Sar par dono jahan rakh du

Jakhmo par marham laga du
Sabke dilo me mohabbat rakh du

Aankho se aansu nichor du
Chehre par khilta fhool rakh du

Bistar par ninde bicha du
Gullak me sapne rakh du

Apne tahjeeb ki hifajat kar du
Mulk ki ijjat gireban par rakh du

Aangan me tulsi laga du
Chatt par chand ki roshni rakh du

Tali me do roti rakh du
Banzar zamin par sawan rakh du

Uske kadmo me payal rakh du
Maa ke kadmo me sar rakh du

Bacho ke chehre par masumiyat rakh du
Anguli pakar kar chalna sikha du

Ghar ki dahleej par bachpan rakh du
Mulk ki sarhad par jawani rakh du

"Lawaris Zindgi"

Lawaris Zindgi
Subah mere sath chali thi
Waha , Jaha koi apna hoga
Aisi Zindgi ko kon apna samjhega??

Aadhi raat tak karwat badalti rahi
Sochti rahi, khilona ke jaise tut.ta hai kyu??
Bachpan me khilona tuta to kitna roya tha,
Dharohar ke jaise sahejkar rakha hai
Ab bache 2-4 tute-fute yaadon ko

Subah jab chal parenge 
Baichen sanso ko sametkar
Fir talash karenge ek nayi zindgi
Jaha raat Rain Basera me nahi gujregi.

Raat ko jab lautenge
Takiya se lipat kar khud ko manayenge
Rundhe gale se puchenge
Ae chand,dekh ab sone de,
Kab tak nind tere piche chalegi??
Tu aa zamin par,fir chal sath mere,
Tu bhi thak jayega aur jab bhukhe pet nind nahi aayegi,
Tujhe bhi subah hone ka entejar rahega.

Mujhe pata hai tu nahi aayega
Muskurayega aur kahega

Tu insan hai,dhoka hai 
Mere sath to hazaro tare hai.

Pathar ke bhagwan mile
Pathar ka insan mila
Ram ke raho par Ravan ban gya
Ab kitne chehre hai insan ke?

Fir subah huyi,dekha to gila takiya bhi sukh chuka tha
Pichali raat ke bato me kya rakha hai??
Lawarish zindgi tu kab samjhega
Suraj bhi kahi na kahi bhujega.

"Kismat"

Kismat ke aage aajtak kiska chala hai

Ye nahi dekhta kon garib aur paise wala hai

Kbhi aashiyana bana deta hai kbhi ujad deta hai

Khusiyo ki saugat aur maut ke manjar bhi dikhata hai 

"Danga"

Kaba Kashi jo ghum aate hai

Wahi insaniyat ka khoon bahate hai



Koi bhi katega khoon lal hi bahega

Kitne mang se sindur mita dete hai



Anath bacho ke aansu se kya matlab

Khoon bhi paani ke jaise bahate hai  

"Pyar"

Pyar ek ehsaas hai
Dil se pane ki chah hai
Chahat ek nasha hai
Diwangi eska jaam hai,

                                       Dhadkan me basa ek naam hai
                                       Jisko pana mukam hai
                                       Jise pakar manjil samapt hai
                                       Pyar me sirf yahi kaam hai,


Harchij ab bekar hai
Apna bhi begana hai
Raat din jagti aankh hai
Pyar me yahi sukun hai,

                                         Jiske liye jina hai
                                         Bas usi ke liye marna hai
                                         Sabkuch usi par lutana hai
                                         Pyar me wahi abad hai,

Khusi bante chalna hai
Gamo ko bhula dena hai hai
Aansuo ko chupa lena hai
Pyar ka bas yahi  paigam hai